2017-10-03

HAMAIKA HILABETE

Atzoko bata (hamarrekoa)

Orain dela hamaika hilabateko bata (batekoa)

HAMAIKA. SUGEAREN HILABETEA.

Bazen behin neskatila bat erreka ertz batean tupustean aurkitutako (intentzio-nahirik gabe bilatutakoak aurkitu egiten dira?) suge baten sigi-saga mugimenduan eztarriko garrasia kateatu zitzaiona. Gaur sigi-saga mugimendu haren itzal eta eguzki semea bihurtu zaio. Etxeko hauts arrasto guztien doministuak biltzen dituzu sabelean eta zure atzetik, ipurdia dinbili-danbala, korrika txikian saiatzen naiz zure parera iristen. Beti irabazten didazu. Beti irabazten didazu bihotza. Eta bidea.


Zorionak, pottolo, osaba Ekaitzek bertso bikaina oparitu dizu:  

Ileak nahasian
eta irrifartsu,
gorputza narrastien 
gisan daramazu,
orain pilota bota
ta orain deskantsu,
hamaika hilabete 
beteak dauzkazu,
hamaika ikusteko
jaioa zara zu.    

 

No hay comentarios:

Publicar un comentario